Në sallën e komiteteve të kuvendit, në objektin e administratës komunale, sot është mbajt mbledhja e dytë për vitin 2010 e Komitetit për Politikë e Financa, të cilën e ka udhëheq z. Xhelal Gashi, kryesues i kuvendit.
Në takim u shqyrtua Raporti i Punës së ekzekutivit për vitin 2009, Raporti Financiar përfunduar më 31.12.2009 dhe Propozim – Vendimi për ndërrim të destinimit të tokës.Lidhur me Raportin e Punës së Ekzekutivit për vitin 2009 nuk patë ndonjë vërejtje dhe si i tillë iu përcjell Kuvendit të Komunës që në seancën e radhës ta miratoj atë.
Ndërkaq lidhur me Raportin Financiar të përfunduar më 31.12.2009, Fikri Vërbani, drejtor për ekonomi e financa tha se Raporti Vjetor Financiar është hartua në bazë të pasqyrave standarde të Udhëzimeve Administrative të Thesarit dhe standardeve ndërkombëtare të kontabilitetit për Financat Publike.
Gjatë vitit 2009, buxheti fillestar i miratuar në Kuvend në shumë prej 3,640,339 € deri në fund të vitit ka pësua ndryshime të rritjes për 19 % ose 691,972 €, duke arritur në shumën përfundimtare prej 4,332,311 €, ndërsa buxheti aktual i realizuar është në shumën prej 4,062,894 €. Edhe raporti Financiar iu përcjell Kuvendit të Komunës për miratim.
Komiteti për Politik e Financa ka miratuar kërkesën për ndërrimin e destinimit të tokës bujqësore në tokë ndërtimore të parashtruar nga Zekirja Vishi.
