Në Shtëpinë e Kulturës “Xheladin Kurtaj” mbrëmë u mbajt Akademi Përkujtimore në nderim të dëshmorëve dhe martirëve të rënë në Lagjen e Re dhe Rakoc
Mbrëmë në Shtëpinë e Kulturës “Xheladin Kurtaj” në Kacanik, nën përkujdesin e kryetarit të komunës, z. Xhabir Zharku është mbajt një akademi përkujtoimore në nderim të 28 dëshmorëve dhe 32 martirëve të rënë në Lagjen e Re dhe Rakoc.Fjalë rasti ka mbajt kryetari I Organizatës së Veteranëve të Luftës së UÇK-së, z. Ejup Runjeva. Në fjalën e tij z. Runjeva mes tjerash tha se ne sot duhet të përkulemi para atyre që na nderuan me sakrificën e tyre. Sakrifica e tyre na udhëhoqi drejt shpresës dhe përpjekjes për një të ardhme më të mirë. Ne duhet ti kujtojmë me respekt të gjithë ata që u sakrifikuan për të mirën e vendit tone. Ua kemi për borxh përkujtimin, dhe jo vetëm atë, përfundoi z. Runjeva.
Me këtë rast në emër të Komunës së Kaçanikut, fjalë përshëndetëse prezantoi kryetari i komunës, z. Xhabir Zharku. Z. Zharku tha se Beteja e 9 prillit si edhe lufta e të parëve tanë kanë lënë gjurmë të cilat do të përcillen brez pas brezi. Ne sot po i përkujtojmë dëshmorët dhe të rënët me dhimbje por edhe me krenari sepse pa sakrificën e dëshmorëve dhe pa luftën e UÇK-së ne sot nuk do të ishim këtu. Kryetari në vazhdim tha se ne kemi të drejtë që të jemi krenarë sepse ishim gjenerata e atyre që më së shumti sakrifikuan për lirinë e vendit. Kjo pos që na bënë krenar njëherit edhe na obligon që të punojmë edhe më shumë, që amanetin e tyre ta qojmë në vend tha kryetari Xhabir Zharku. Ndërkaq kryetari . z. Zharku kërkoi që të denoncohen kriminelët , ata që bënë krime të marrin dënimin e merituar nga gjykatat përfundoi fjalën e tij z. Zharku. Të pranishmit në këtë Akademi Përkujtimore në emër të familjeve të dëshmorëve, i ka përshëndet z. Ejup Zharku, baba i dëshmorit Ilir Zharku.
Në fund para të pranishmëve me një performancë artistike u paraqit aktori Avdi Gërvalla.
