Në këtë ditë feste, 7 marsi –Dita e mësuesve, të gjithë ne kujtojmë mësuesit tanë të dashur që patëm me vite, ata që na mësuan e edukuan, ata që u bënë pjesë e pandarë e jetës dhe suksesit tonë, që nuk kursyen asgjë për ti pajisur nxënësit me dije, kulturë dhe edukatë.
Mësuesit tanë qëndruan besnik misionit fisnik të arsimimit e edukimit të brezave edhe atëherë kur regjimi okupues serb mendoi se do ta ndal ABC-në shqipe duke mbyllë shkollat shqipe në Kosovë, por populli ynë hapi zemrat, hapi shtëpitë që u bënë shkolla. Shumë mësues u dënuan e u gjykuan por asnjëherë nuk u gjunjëzuan në rrugën e diturisë dhe lirinë e atdheut, duke sakrifikuar edhe jetën.
… dhe, ne sot i kujtojmë me respekt!
Sot, jemi në përvjetorin e 123 të hapjes së shkollës së parë shqipe, më 7 mars 1887 në Korçë, dhe 12 vjetorin e Epopesë së Ushtrisë Çlirimtare të Kosovës, që madhështojnë këtë datë të shënuar historike, sot jemi në përvjetorin e betejave të 5,6 dhe 7 Marsit të vitit 1998 dhe rënies heroike të Komandantit legjendar të UÇK-së, Adem Jashari, betejave të sakrificës sublime për lirinë dhe pavarësinë e vendit. Gëzuar festën tuaj të dashur Mësues !
Lavdi Komandantit legjendar Adem Jashari dhe gjithë dëshmorëve të rënë për liri dhe Pavarësi!
Kryetari i komunës
z. Xhabir Zharku
