Rushan Ceka, drejtor i shërbimeve publike ka thënë se bashkë me kryetarin e komunës, z. Xhabir Zharku, kanë dorëzuar kryeministrisë një kërkesë dhe projektin ideor për ndihmë emergjente në vlerë 530 mijë euro për shqyrtimet gjeomekanike në lagjen “Ramadan Agushi” si dhe për realizimin e projektit për stabilizimin e lagjes nga rrëshqitja e dheut, rregullimin e shtratit të përroit dhe rregullimin e murit mbrojtës për lëshaurjen në qarkullim të rrugës “Agim Bajrami”
Ekzekutivi i komunës, sot mbajti takimin e rregullt të fund javës të cilin e ka udhëheq nënkryetari i komunës, z. Heset Loku, në të cilin takim drejtorët prezantuan raportet javore të punës për periudhën 24 maj deri më 28 maj si dhe raportuan disa nga aktivitetet e kësaj jave.Nënkryetari, z. Loku kërkoi nga drejtorët që të jenë sa më të përgatitur për takimin e radhës së komitetit për Politik e Financa i cili mbahet të hënën, më 31 maj.
Rushan Ceka, drejtor i shërbimeve publike ka thënë se bashkë me kryetarin e komunës, z. Xhabir Zharku, kanë dorëzuar kryeministrisë një kërkesë dh projektin ideor për ndihmë emergjente në vlerë 530 mijë euro për shqyrtimet gjeomekanike në lagjen “Ramadan Agushi”e pastaj për realizimin e projektit për stabilizimin e lagjes nga rrëshqitja e dheut, rregullimin e shtratit të përroit, rregullimin e murit mbrojtës për lëshaurjen në qarkullim të rrugës “Agim Bajrami”. Drejtori njoftoi edhe për një aktivitet të përbashkët me policinë e Kosovës që do të realizohet nga java e ardhshme për kontrollet në trafik të transportit.
Fikri Vërbani, drejtor i ekonomisë tha se dy rregulloret Rregullorja mbi lejet e punës për shoqëri tregtare (subjektet ekonomike) dhe Rregullorja mbi tarifat dh ngarkesat, iu janë përcjell për shqyrtim dhe miratim organeve të kuvendit. Lidhur me draft Raportin e Auditimit, drejtori, z. Vërbani tha se ne kemi marr rekomandimet, ndërsa ne kemi pas mjaftë hapësirë që të i bëjmë komentet tona lidhur me rekomandimet dhe të gjeturat e auditorit. Lidhur me Draft Buxhetin 2011 – 2013, drejtori tha se janë iniciua procedurave për nxjerrjen e Draft Buxhetit të komunës për periudhën 2011 – 2013.
Misim Sopa, drejtor i shëndetësisë tha se kishte inspektua ecurinë e punimeve në ndërtimin e Qendrës së Mjekësisë familjare në fshatin Bob dhe se punët po zhvillohen sipas projektit.
Nuhi Provoliu, drejtor i bujqësisë ka thënë se ka filluar aplikimi për kredi përmes Zyrës së biznesit në Asociacionin norvegjez, prandaj gjatë javës është bërë monitorimi dhe verifikimi i kushteve që duhet plotësojnë fermerët për të qenë përfitues të kësaj kredie, e cila është pa interes bankar.
Jeton Topalli, drejtor i administratës tha se sot përfundon vendosja e rrjetit të intranetit, punë e cila ka filluar në fillim të javës.
Azem Guri, drejtor i arsimit tha se janë publikuar rezultatet e testit provues për nxënësit e klasave të IX, ndërkaq tha se sivjet janë rezultatet më të mira në krahasim me vitin e kaluar. Drejtori njoftoi edhe për organizimin dhe mbajtjen e mësimit shtesë për maturantë, ndërsa tha se janë duke u bërë përgatitjet për organizimin dhe mbajtjen e Festivalit “Kaçaniku 2010” si dhe përgatitjet për shënimin e 1 Qershorit – Ditës së fëmijëve.
Bekim Troni, drejtor i urbanizmit tha se në bashkëpunim me Drejtorinë e Shërbimeve Publike është hartuar Rregullorja për Mbrojtjen e Mjedisit dhe janë finalizuar punët në Draftin e Planit Zhvillimor Urban i cili pritet të miratohet në seancën e ardhshme të Kuvendit ndërkaq Plani Zhvillimor Komunal do ti përcillet Ministrisë së Mjedisit dhe Planifikimit Hapësinorë për dhënien e pëlqimit.
