Një dhomë burimore e kompletuar me tërë inventarin përcjellës për fëmijët që kanë nevojë për trajtim më të veçantë, sot iu shtua Shkollës Fillore “ Emin Duraku” në Kaçanik.
Ky Projekt u realizua nga donatori Astrit Sokoli, i cili ka investuar në këtë shkollë edhe më herët në forma të ndryshme.
Nënkryetari i Komunës Sabedin Vishi, uroi nxënësit dhe mësimdhënësit për këtë projekt të qëlluar, duke shtuar se Komuna e Kaçanikut do të ketë gjithmonë dyert e hapura për bashkëpunime të tilla dhe do të jetë gjithmonë afër donatorëve, për çka në mënyrë te veçantë e falenderoi Doktor Astritin, për këtë investim, por edhe për të gjitha donacionet e tjera që po i bënë për shoqërinë në përgjithësi në komunën tonë. Fjalë falenderuese pati edhe nga drejtoresha e Shkollës “ Emin Duraku” Diana Bajrami Reka, ndërsa Astrit Sokoli si donator i këtij projekti, falenderoi stafin menagjerial dhe arsimtarët e shkollës si dhe Komunën e Kaçanikut, ndërsa premtoi edhe bashkëpunime në projektet e reja.
Tashmë kjo klasë ofron kushte komode për lehtësimin e procesit mësimor për fëmijët që kanë nevojë për trajtim më të veçantë, si edhe për realizimin e planit mësimor për mësuesit ndihmës. Klasa është e kompletuar dhe do të shfrytëzohet për këshillime, vlerësime, takime me fëmije e prindër si dhe do të përdoren mjetet didaktike.
