Përkundër stafit të kufizuar mjekësor, procesi i vaksinimit po ecën mirë dhe pa problem të theksuara. Kjo u bë e ditur në takimin që pati sot Nënkryetari i Komunës Ylber Bajra me Drejtorin e Qendrës Kryesore të Mjekësisë Familjare në Kaçanik Sinan Zeneli. Nënkryetari përgëzoi stafin mjekësor dhe menaxherial në QKMF për punën e tyre të mirë që po e realizojnë në kushte pandemie, ndërsa bëri të ditur se përkrahja e komunës për këtë institucion do të jetë në çdo nivel.
Ndërkohë, Drejtori Sinan Zeneli tha se vaksinimi po ecën mirë, ndërsa nga sot ka filluar edhe vaksinimi mobil nëpër shtëpi për personat e sëmurë dhe të palëvizshëm, duke shtuar se edhe qytetarët po i përgjigjen pozitivisht vaksinimit. Qendra e Vaksinimit do të punojë në shtatë ditë të javës, ndërsa nga ky takim iu bë thirrje qytetarëve që të vaksinohen për të ruajtur shëndetin e tyre dhe të tjerëve.
