Në fshatin Runjevë është përkujtuar dëshmori Kemajl Thaçi dhe në Stagovë, është përkujtuar dëshmori Ekrem Gudaqi dhe 15 martirët e rënë më 21 maj të vitit 1999.
Në fjalën e tij Kryetari i Komunës së Kaçanikut Besim Ilazi çmoi lartë kontributin e të rënëve për liri. Ai tha se sot po nderojmë dëshmorët dhe martirët, që falë sakrificës së tyre sot po jetojmë të lirë, duke shtuar se lufta e UÇK-së ishte domosdoshmëri e kohës sepse pa sakrificën e dëshmorëve nuk do të kishim as lirinë, dhe se në vitin 1999 vendi tashmë ishte në duart e guximtarëve të kohës, të cilët këngën e kishin përmes grykës së pushkës. Kryetari Ilazi tha se familjet e dëshmorëve duhet të jenë gjithmonë krenarë për veprën sublime të më të dashurve të tyre.
Në emër të OVL-së UÇK-së foli Hajrush Kurtaj- ish zëvëndës komandant në Brigadën 162 “ Agim Bajrami”, “, ndërsa në emër të Këshillit Organizues evokoi kujtime Agim Mani, kurse në emër të familjeve të dëshmorëve dhe martirëve të rënë falenderoi për pjesëmarrje Jaser Jaha.
Në manifestimin e ndarë në Runjevë të pranishmit i përshëndeti në emër të komunës Sabedin Vishi- Nënkryetar i Komunës, ndërsa në emër të OVL së UÇK- së foli veterani Sali Runjeva. Me një fjalë falenderuese të pranishmëve iu drejtua edhe djali i dëshmorit Kemal Thaçi- Dardani.
Në fund të dy manifestimeve u shfaq program artistik nga Shkollat Fillore “ Agim Bajrami” dhe “ Emin Duraku”. Ndërkaq më pas janë vendos kurora lule pranë pllakës përkujtimore të dëshmorit Kemal Thaçi dhe bustit të komandant Agim Bajraminë Stagovë, si dhe janë bërë homazhe te kompleksi memorial i dëshmorëve. Kurora lulesh janë vendosur edhe pranë pllakës përkujtimore të dëshmorit Ekrem Gudaqi e 13 martirëve të rënë më 21 maj 1999:
Fitim Gudaqi, Hanife Jaha, Selvije Krivanjeva, Baki Bela, Hanife Gudaqi, Ramush Jaha, Ibush Rrushi, Ramadan Dashi, Fahri Mani, Bahrije Elezi, Sevdije Guri, Hamdi Dashi dhe Brahim Dashi.
