Në kuadër të shumë aktiviteteve dhe nismave për mbrojtje të mjedisit, përfaqësues të Komunës së Kaçanikut, nga Kompania “ Pastërtia” si dhe administratorët e fshatrave, janë takuar sot për të diskutuar rreth menaxhimit sa më efikas të mbeturinave. Takimin e hapi drejtori për Shërbime Publike dhe Emergjenca Ramadush Osmani, i cili tha se për vitin 2019, prioritet i Komunës së Kaçanikut dhe Kryetarit Ilazi ishte rritja e mbulueshmërisë me shërbim të grumbullimit të mbeturinave në territorin e Komunës së Kaçanikut, ku edhe janë ndërmarrë shumë hapa konkret, siç është edhe pajisja e Kompanisë “Pastërtia” me mjete për bartjen e mbeturinave si dhe pajisja me kontejnerë. Drejtori Osmani përmendi edhe disa aktivitete dhe projekte të reja që së shpejti do të realizohen me Organizatën gjermane “ GIZ”, që kanë për qëllim krijimin e një sistemi më të qëndrueshëm për menaxhimin e mbeturinave. Ndërkohë Ferat Malsiu drejtor i Kompanisë “ Pastërtia” në Kaçanik , foli rreth organizimit të ri brenda kësaj kompanie, si dhe sistemit të ri të menaxhimit të mbeturinave i cili sapo ka filluar të funksionoj. Administratorët shprehën gatishmërinë për bashkëpunim, ndërsa pas krijimit të kushteve më të mira për transport të mbeturinave, kërkuan angazhim më serioz nga ana e kompanisë “ Pastërtia”.
