Këshilli Komunal për Siguri në Bashkësi ka mbajtur mbledhjen e VI-të për vitin 2025, të cilën e udhëhoqi Kryetari i Komunës Sabedin Vishi. Për gjendjen e sigurisë raportoi Komandanti i Stacionit të Policisë në Kaçanik Emrush Lalinovci, i cili tha se në përgjithësi gjendja e sigurisë ka qenë e qetë dhe stabile, ndërsa prezantoi edhe të dhënat në lidhje me rastet e raportuara brenda periudhës raportuese nga takimi i fundit.
Anëtarët e KKSB-së uruan Kryetarin e sapo zgjedhur të Komunës së Kaçanikut Sabedin Vishi, duke i uruar shëndet dhe suksese. Edhe Kryetari Vishi i falenderoi anëtarët e KKSB-së për gjithë angazhimin, duke i siguruar se puna e tij do të jetë vazhdimësi e Kryetarit Besim Ilazi, duke konfirmuar kështu bashkëpunimin dhe koordinimin me të gjithë mekanizmat relevant në çështjen e sigurisë.
Nga ky takim u aprovuan njëzëri të gjithë rekomandimet e nxjerra për gjatë një viti punues.
1.Një angazhim i gjithë akterëve në parandalimin e dukurive negative në shoqëri
2.Enti për Punë dhe Mirëqenie Sociale të kryejë detyrat në kuadër të përgjegjësive
3.Të mbahen tryeza vetëdijsuese mbi dukuritë negative në shoqëri ku pos mekanizmave përgjegjës të marrin pjesë edhe rinia shkollore
4.Të ndërmerren veprime konkrete në parandalimin e përdorimit të narkotikëve
5.Të lehtësohen procedurat e marrjes së informacioneve për qytetarët nga policia
6.OJQ-të të shtrijnë aktivitetet e tyre edhe në viset rurale
7.Të merren masa ndaj atyre që keqpërdorin hapësirat e jashtme shkollore
8.Të shikohet mundësia e krijimit të një mekanizmi gjithëpërfshirës ku pjesë e këtij mekanizmi të jenë edhe kategoritë e margjinalizuara.
9.Të merren masa nga institucionet përgjegjëse të sigurisë si nga niveli lokal edhe ai qendrorë në ri funksionalizimin e dy mekanizmave siç janë EVSB dhe KLSP ngase këto mekanizma kanë zbehë punën e tyre.
