Komuna e Kaçanikut ka nisur zbatimin e projektit për rregullimin e sipërfaqeve në zonat kadastrale Stagovë dhe Dubravë.
Ky projekt i rëndësishëm synon përmirësimin e gjendjes kadastrale, saktësimin e të dhënave pronësore si dhe forcimin e sigurisë juridike për qytetarët. Përmes këtij procesi, pritet të krijohet një pasqyrë më e qartë dhe e besueshme e pronave, duke lehtësuar edhe procedurat administrative për qytetarët.
Drejtoria për Urbanizëm, Kadastër dhe Mbrojtje të Mjedisit në Kaçanik, bën të ditur se të gjitha shërbimet që ofrohen në kuadër të këtij projekti do të jenë pa pagesë për qytetarët.
Me qëllim të informimit të drejtë dhe të plotë të banorëve, janë paraparë edhe takime publike në këto lokacione dhe orare:
më 25 mars, në ora 17:00, në SHFMU “Agim
Bajrami” Stagovë dhe në ora 19:00, në SHFMU “Kadri Zeka” në Dubravë.
Komuna e Kaçanikut fton të gjithë qytetarët e këtyre dy zonave që të marrin pjesë në këto takime, me qëllim që të informohen më nga afër për përfitimet dhe procedurat që përfshin ky projekt.
