Kryetari i Komunës së Kaçanikut Sabedin Vishi, ka vizituar nga afër punimet në asfaltimin e rrugës që shpie deri te vendi i rënies, përkatësisht te pllaka përkujtimore e dëshmorëve dhe martirëve të këtij fshati, të rënë më 24 mars të vitit 1999.
Kryetari Vishi theksoi se ky projekt është i rëndësishëm edhe nga aspekti historik, pasi u mundëson qasje më të lehtë si familjarëve, ashtu edhe qytetarëve, deri te pllaka përkujtimore.
Sipas menaxherit të projektit, Rifat Muqa, rruga e asfaltuar ka një gjatësi prej 450 metrash dhe është financuar nga buxheti komunal.
