Kryetari i Komunës së Kaçanikut Sabedin Vishi, zhvilloi një takim pune me Kryeshefin Ekzekutiv të Kompanisë Rajonale të Ujësjellësit “Bifurkacioni” Jeton Shabani, ku u diskutua për gjendjen e furnizimit me ujë dhe masat për përmirësimin e kapaciteteve.
Kryetari theksoi se sipas zotimeve të më hershme të tij, aktualisht po zhvillohen punime intensive në rezervuarin e ujit në Dushkajë, funksionalizimi i pusit tek fabrika e gëlqeres dhe vendosja e pompave, ndërsa së shpejti pritet edhe hapja e një pusi të ri, investime këto që do të rrisin kapacitetet e furnizimit me qëllimin e vetëm që qytetarët të mos përballen me mungesa të ujit e sidomos gjatë sezonit veror.
Tutje Kryetari kërkoi nga KRU “Bifurkacioni” menaxhim efikas, përgjegjësi institucionale dhe angazhim maksimal, në mënyrë që qytetarëve t’u ofrohet një shërbim sa më cilësor dhe i qëndrueshëm.
Në këtë takim ishte i pranishëm edhe Drejtori i Urbanizmit, Kadastrit dhe Mbrojtjes së Mjedisit, Korab Krasniqi.
