Me qëllim të informimit dhe pjesëmarrjes së gjerë dhe aktive të qytetarëve, Drejtoria për Shërbime Publike dhe Emergjenca ka mbajtur sot takimin publik me grupin e interesit me temë: RREGULLORE PËR MASAT DHE VEPRIMET PËR MBROJTJE NGA ZJARRI NË OBJEKTIN E KOMUNËS. Fillimisht takimin e hapi drejtori për Shërbime Publike dhe Emergjenca Ramadush Osmani, i cili këtë rregullore e konsideroi si shumë të rëndësishme dhe të nevojshme për objektin komunal, punëtorët e administratës dhe qytetarët që kryejnë shërbime në këtë institucion.
Bujar Bajra Zyrtar i Alarmit dhe koordinim emergjent prezantoi draft rregulloren para të pranishmëve në këtë debat, i cili fillimisht tha se kjo rregullore do të aplikohet në tërë objektin komunal. Sipas tij kjo rregullore përcakton sistemin e masave dhe veprimet e mbrojtjes dhe shpëtimit në objektin e Komunës nga fatkeqësitë e zjarrit.
- Me këtë Rregullore do të përcaktohet:
- Organizimi i mbrojtjes kundër zjarrit, detyrat dhe përgjegjësitë e punëtorëve të Komunës;
- Mënyra e kryerjes së kontrollit të brendshëm dhe aplikimi i masave mbrojtëse nga zjarri;
- Detyrat dhe përgjegjësitë e punëtorëve të cilët e kryejnë kontrollin e brendshëm;
- Mënyra e njoftimit të punëtorëve me masat e rrezikshmërisë nga zjarri si dhe mënyra e reagimit në rast zjarri;
- Mjetet dhe pajisjet teknike për shuarjen e zjarrit;
- Përgjegjësia e punëtorëve në rast të mos përmbushjes së masave mbrojtëse nga zjarri;
- Detyrat e punëtorëve në rast të lajmërimit të zjarrit, si dhe pjesëmarrja në shuarjen e zjarrit. Në këtë takim prezantoi edhe Ylber Shehu- shef i njesisë së zjarrfikësave në Kacanik.
Të pranishmit në debat patën mundësi që nga afër të informohen më detajisht për këtë draft dokumenti, i cili pas përfundimit të procedurave të nevojshme, do ti përcillet kuvendit për miratim.
