Në bashkëpunim me Federatën e Futbollit të Kosovës dhe Shoqatën e Pedagogëve të Kulturës Fizike në Kaçanik u mbajt turneu dy ditor në futboll “Rekrutimi i vajzave të reja shkollore në futbollin e organizuar” me moton “Ti mund ta bësh – You Can Do It. Në këtë turne morën pjesë 12 ekipe nga Shkollat Fillore të Mesme të Ulëta të komunës sonë ku talentin e tyre e shfaqën shumë futbolliste të reja nga gjitha shkollat pjesëmarrëse . Të pranishëm në hapje të këtij turneu ishin edhe kryetarja e Komisionit të Futbollit të Femrave dhe njëherësh anëtare e KE të FFK-së, Vjollca Krasniqi, Ilaz Mjaku anëtar i KE të FFK-së, Valbona Uka-Gashi, menaxhere për futbollin e femrave, përzgjedhësi i Kombëtares U16 e U19 për femra Kushtrim Munishi, Arben Thaqi kryetar i shoqatës së pedagogëve të Kulturës Fizike. Fatos Vishi nga drejtoria e arsimit dhe kulturës i përshëndeti të pranishmit duke u uruar suksese në këtë turne dhe njëkohësisht falenderoi përfaqësuesit nga Federata e Futbollit të Kosovës dhe Shoqata e Pedagogëve në realizimin e këtij projekti . Ky turne siç potencoi edhe Vjollca Krasniqi nga Federata e Futbollit të Kosovës kishte për qëllim nxitjen e vajzave të reja që të merren më shumë me futboll dhe sport në përgjithsi.
Fitues i këtij Turneu doli ekipi i SHFMU “Jusuf Gërvalla”, ku në finale e mposhti ekipin e SHFMU “Emin Duraku”, me rezultat 2:1. Për të gjitha ekipet pjesëmarrëse FFK ndau nga 6 topa futbolli, derisa për dy ekipet finaliste u ndanë kupa dhe mirënjohje.
Rezultatet – Xhiro e parë
SHFMU “Jusuf Gërvalla” – SHFMU “Ali Asllani” 4:0
SHFMU “Idriz Seferi” – SHFMU “7 Shtatori” 3:0
SHFMU “Emin Duraku” – SHFMU “Dituria juaj” 2:1
SHFMU “Gafur Luma” – SHFMU “Qamil Ilazi” 0:4
SHFMU “Kadri Zeka” – SHFMU “Naim Frashëri” 1:4
SHFMU “Agim Bajrami” – SHFMU “Nazmi Osmani” 0:1
Xhiro e dytë
SHFMU “Idriz Seferi” – SHFMU “Nazmi Osmani” 0:1
SHFMU “Jusuf Gërvalla” – SHFMU “Qamil Ilazi” 2:1
SHFMU “Emin Duraku” – SHFMU “Naim Frashëri” 3:2
SHFMU “Jusuf Gërvalla” – SHFMU “Nazmi Osmani” 1:0
Finalja
SHFMU “Jusuf Gërvalla” – SHFMU “Emin Duraku” 2:1
