Kryetari i komunës, z. Xhabir Zharku, sot u takua me përfaqësuesit e kompanisë gjermane VAT Group e cila merret me prodhimin e produkteve për prodhimin e energjisë elektrike nga era dhe dielli në mënyrë të kombinuar.
Kompania gjermane synon të prezantoj produktet e tyre në Kosovë si dhe ndërtimin e një fabrike për prodhimin e produkteve për prodhimin e rrymës nga era dhe dielli në mënyrë të kombinuar.
Kryetari i komunës, z. Zharku ka njoftuar përfaqësuesit e Kompanisë gjermane VAT Group me kushtet të cilat i ofron komuna jonë si dhe ka shpreh përkushtimin për mbështetje të investimeve nga jashtë. Kryetari tha se ne iu ofrojmë tokën në shfrytëzim, pastaj investitori do të lirohet për një periudhë 4 vjeçare nga të gjitha taksat komunale si dhe lehtësira të tjera në rregullimin e dokumentacioneve. Kryetari, z. Zharku, njoftoi përfaqësuesit e kompanisë gjermane se Kosova tani ka Ligjin për mbrojtjen e investimeve të huaja, ndërkohë që u ka garantuar atyre se do të ketë transparencë të plotë në gjithë procesin.
