Në Lojërat Popullore 2010 të cilat organizohen në Shkodër marrin pjesë edhe dy ekipe të futbollit dhe grupi i valltarëve të SHKA-së “Shqiponja”
Sot kanë udhëtua për në Shkodër dy ekipet e futbollit të grup moshave deri në 16 vjet, në konkurrencën e meshkujve dhe femrave dhe një grup valltarësh të SHKA-së “Shqiponja” nga Kaçaniku të shoqëruar nga dy zyrtarët komunal, Fatos Vishi e Fatmir Çaka.Ekipet e futbollit dhe grupi i valltarëve do të marrin pjesë në Lojërat Popullore 2010 në Shkodër të cilat organizohen nga OJQ “The Door Albania” dhe mbështeten nga Bashkia e Shkodrës, komuna e Qerretit dhe komuniteti i biznesit në Shkodër.
Ekipet e futbollit do të zhvillojnë ndeshje miqësore me ekipet shkodrane, ndërkaq grupi i valleve të SHKA-së “Shqiponja” do të prezantohet me një valle, një lojë popullore dhe do të bëjnë sfilitë me kostume tradicionale.
Në këto lojëra do të marrin pjesë edhe grupet nga Bashkia e Beratit dhe Ulqinit.
