Në kuadër të aktiviteteve për shënimin e 11 vjetorit të rënies së dëshmorëve dhe martirëve në Lagjen e Re dhe Rakoc, sot fillon Festivali i IV-të i këngës popullore për fëmijë “Kaçaniku 2010”
Në kuadër të aktiviteteve për shënimin e 11 vjetorit të rënies së dëshmorëve dhe martirëve në Lagjen e re dhe Rakoc, sot fillon Festivali i IV-të i këngës popullore për fëmijë “Kaçaniku 2010”. Festivali mbahet në Shtëpinë e Kulturës “Xheladin Kurtaj” për tri ditë rresht, ndërsa fillon sot, më 7 prill nga ora 17:00.Në Festivalin e IV-të marrin pjesë gjithsej 40 fëmijë të shkollave fillore të komunës sonë, prej klasave të para deri në klasat e nënta. Në mbrëmjen e tretë finale e cila mbahet më 9 prill do të kualifikohen gjithsej 20 fëmijë. Solistët/solistet, sipas vendeve meritore të renditura, nderohen me nga një punim artistik ( I, II, III), ndërsa çmimi i III është i veçantë dhe konsiston me çmimin e publikut, ndërsa jurinë profesionale e përbëjnë: : Tefik Shehu, Sylejman Haxhiu dhe Ruzhdi Gjini.
